Зарем некој фан на Ливерпул можеше да претпостави, кога Арне Слот дојде меѓу “Редси“ ова лето, дека уште на 1 декември неговиот тим со новиот менаџер има шанса и дефинитивно да го отпише составот на Пеп од битката за титулата во Премиер – лигата?
Холанѓанецот има речиси перфектен старт, ако се земат в предвид настапите во ПЛ и ЛШ има 15 победи, едно реми и само еден пораз на тие 17 мечеви.
Ако денеска на “Енфилд“ Слот успее да го победи Сити, јасно е дека Арне ќе стане легенда на фановите на “Редси“, а Клоп кој “пие“ Ред Бул ќе биде заборавен и тоа како.
Денеска на “Енфилд“ од 17 часот мега – дерби во Премиер-лигата во рамките на 13.коло. Ливерпул има +8 бода пред Сити, и ако победи ќе има +11. И веројатно ќе го отпише тимот на Пеп од битката за титулата оваа сезона, и тоа уште по 13.коло. Па, зарем е можно?
Сити е очаен, Сити не знае каде тера, Пеп е во агонија. “Граѓаните“ врзаа серија од шест меча без победа, пет порази и она реми со Феенорд во средата. Ливерпул има златна шанса не само да го победи Сити, туку и да го понижи. Да му се одмазди за се она што Пеп му го правеше на гигантот од “Енфилд“ во изминатите години, кога најмалку две титули му зема пред нос што се вели, во последните кола.
Сепак, сепак. Ако некој е мајстор во тренерскиот занает тоа секако дека е Пеп. Каталонецот не е навикнат да се предава без борба. Знае тој добро дека токму денешниот меч може да биде пресврт. Во случај на победа тогаш се е можно.
Ајде да го видиме и тој тренерски дуел меѓу Слот и Пеп?
Во пресрет на мега – дербито и двајцата имаат проблеми со повреди. Кај “Редси“ ќе ги нема Алисон, Жота, Киеза, Бредли, Конате…
Додека кај Сити во аут се Родри и Ковачиќ.
Слот против Пеп, Салах против Халанд, Ливерпул против Сити.
Не заборавајте да нешто пред 17 часот седнете во своите фотељи, да го вклучите вашиот ТВ и уживате во најдобриот фудбал во светот.
Во мега – дербито на Премиер – лигата.
Time for a new chapter.
Liverpool v Man City awaits… pic.twitter.com/m7KWvgJe94
— Premier League (@premierleague) December 1, 2024
