Американецот со македонски пасош, Ти Џеј Шортс и вечерва имаше импресивен настап во Евролигата. Во мечот од 13. коло на гостувањето против Макаби ТА, Шортс го поведе Париз до десеттата победа со кој тимот се смести во самиот врв на табелата.
Нашиот повремен репрезентативец вечерва постигна 22 поени и беше најефикасен во победничкиот состав. Покрај тоа, тој нанижа и 8 асистенции, а имаше и 3 скока.
Четврти пораз во низа за Барселона, која вечерва загуби за половина кош на гостувањето кај Панатинаикос. Домашните ја прекинаа серијата од два порази со триумф на домашен терен од 90:89. Одлично издание за „детелинките“ имаше Нан, кој средбата ја заврши со 29 поени.
Асвел на домашен терен славеше против Реал (М) со 80:78 и направи големо изненадување нанесувајќи му го осмиот пораз на „крфалскиот клуб“. Анадолу Еефес со 101:90 славеше против Баерн (М), додека Басконија беше доминантна против Фенербахче и славеше со 88:76.
Во последниот меч вечерва, Партизан по голема борба извојува победа против Жалгирис од 84:78. Ова беше само петта победа за белграѓани во тековната сезона од Евролигата.
