Тимот на Рома и со новиот тренер, Клаудио Раниери сеуште не може да излезе од кризата. Проблем секако беше и рапосредот со кој се соочи искусниот стратег кој на самото враќање на Олимпико одигра во Серија А, против Наполи односно Аталанта.
Синоќа Рома загуби среде Рим од Аталанта, тим кој е сериозен кандидат за највисок пласман со конечни 0:2. Во меч во кој противникот одигра подобро, и во кој Рома немаше сили за цел натпревар на највисоко ниво.
„Се додека имавме сила, се боревме отворено со Аталанта. Не сакам да звучи како оправдување, но ние игравме со Тотенхем во четвртокот и се вративме во петокот во пет часот наутро. Имавме голема шанса за водсто преку Довбик и не треба да се разочаруваме. Ќе дојде време кога овие шанси ќе ги претвораме во гол и натпреварите ќе одат на наша страна. Тим како Аталанта знае како да го казни тоа. Сите се радуваме кога ги гледаме како играат во Европа, но сега овој тим поседува се за да се бори за Скудетото. Не сакам да додавам притисок врз Гасперини, но оваа Аталанта е еден од најтешките тимови во лигата и е предодреден да оди далеку“ – рече Раниери.
