Познато е дека Дон Флорентино Перез е човек без емоции кога станува збор и за оние фудбалери на Реал Мадрид кои и тоа како му дале на клубот. Само да се потсетиме како тој се раздели со иконите на клубот Серхио Рамос и Икер Касиљас, кога тој процени дека веќе не можат да играат во “белиот“ дрес на “кралевите“ веднаш се откажа од нив, најмногу поради возраста.
Сега во тава ситуација е Лука Модриќ, најтрофејниот фудбалер на Реал Мадрид во историјата.
Хрватот изминатото лето доби нов едногодишен договор, Перез се двоумеше, но сепак попушти.
Јасно е дека Лука сака нов договор од една година, а целта е јасна, Да игра во Реал Мадрид до летото 2026 за да може во врвна форма да настапи и на СП тоа лето.
Деновиве во медиумите во Шпанија се пренесе веста дека Модриќ дознал што требало да направи за да во јуни – јули потпише уште еден едногодишен договор.
Му било кажано дека тој како легенда да клубот мора по секоја цена да го дигне тимот, да биде лидер, да им помогне на своите помлади колеги. Она што тој го направи минатата сезона кога Реал дојде до титулите во ЛШ и Ла Лига.
Дали оваа сезона Лука ќе може тоа да го направи, секако останува да се види.
