Кошаркарите на Партизан вечерва пред своја публика славеа против актуелниот европски шампион Панатинаикос со 91:73 и ја продолжи добрата серија и оваа недела во Евролигата.
„Црно-белите“ тргнаа со победа на гостувањето кај Црвена звезда, продолжија со триумфи против Олимпијакос и Жалгирис, а посебна вредност на оваа серија и дава фактот што избраниците на Желимир Обрадовиќ го совладаа и Панатинаикос, актуелниот шампион на Стариот континент.
Џонс со 18 и Браун со 17 поени го предводеа српскиот состав до новата победа. Кај ПАО, Слукас постигна 15 поени.
Баерн ја прекина низата од два порази со победа на домашен терен против екипата на Басконија со 94:80, додека Жалгирис претходно на домашен терен со 85:72 го победи Анадолу.
Барселона извојува многу значајна победа против Макаби ТА со 88:86.
