Серхио Перез не попушта пред гласните озборувања за негово заминување од Ред Бул. Во последната изјава, тој уште еднаш гласно потврди дека ќе го задржи своето место во тимот и следната сезона.
Во медиумите се зборува дека Серхио ќе го загуби местото како главен возач на Ред Бул, а на негово место во тимот ќе дојде Лиам Лосон. Чеко, пак, е апсолутно уверен дека ќе продолжи да вози за Ред Бул следната година, бидејќи неговиот договор е до крајот на сезоната 2025 година.
„Го зборувам истото цела сезона – и во оваа смисла, ништо не се промени токму сега. Имам договор за следната сезона и следната сезона ќе возам за Ред Бул. Дали сум сто проценти сигурен? Јас веќе одговорив. Немам што повеќе да додадам“, вели Мексиканецот.
