Последното 10-то коло за оваа година во Лигата на шампиони е комплетирано, а како лидери на паузата одат Веспрем во групата А и Барселона во Групата Б. Шпанскиот тим имаше лесна задача, со убедливи 38-30 славеше на гостувањето кај ППД Загреб. Каталонскиот тим има скор од осум победи, едно реми и еден пораз.
До лесни бодови вечерва дојде ПСЖ, откако на гостински терен кај Динамо славеше со 33-40, дуел кој беше решен после едно полувреме (14-21).
Интересно беше во групата Б каде Алборг на гости кај Пик Сегед беше подобар со 30-32, ова беше битка за третото место на табелата.
Во групата А во која се наоѓа Пелистер, Фуксе Берлин успеа да го добие дуелот со Спортинг со 33-32. Германскиот тим остана на четвртото место со 12 бода, додека Спортинг е трет со 13 бода.
