Поранешниот менаџер на Челзи, Грем Потер, се приближува кон неговото враќање во Премиер-лигата, тврди The Sun. Последен пат беше на чело на „сините“, но доби отказ во април 2023 година.
Потер одби голем број понуди од Англија и Европа, иако беше поврзуван со сериозни позиции како онаа на „Олд Трафорд“ и за нов селектор на „трите лава“. Сега се повеќе се поврзува со менаџерот на Вулверхемптон и Вест Хем. Двата тима имаа многу тежок почеток на сезоната и се во долната половина на табелата.
„Чеканите“, кои се предводени од Лопетеги, имаат само 15 бода по 14 кола, иако летото потрошија речиси 150 милиони евра за селекција. Ситуацијата на Волвс е уште полоша бидејќи се наоѓаат во зоната за испаѓање, а проблемите со финансискиот фер-плеј ги принудија да се разделат со некои од нивните водечки играчи во последниве години.
Самиот Грем Потер допрва треба да добие конкретни понуди од некои од тимовите, но тој веќе сака да се врати во професијата и е многу повеќе склон да прифати понуда од некои надвор од најелитните тимови.
