Екипата на Алкалоид, единствениот македонски претставник во ЕХФ Европскиот Куп денеска ќе го добие противникот за 1/8 финалето. Ждрепката е закажана со почеток во 11 часот, а актуелниот освојувач на Купот на Македонија и Супер-Купот е во вториот шешир.
Можни противници на избраниците на Кирил Лазаров се: Извиѓќ од Босна и Херцеговина, Минар Б.М од Романија, Диомидис (Грција), Крка од Словенија, Хаукар Исланд, Олимпијакос од Грција, Бриксен од Италија и Сандјефорд од Норвешка.
Во осминафиналето, Алкалоид дојде со четири победи. Првите мечеви ќе се играат на 15/16 февруари 2025 година, додека реваншите се за една недела.
