Армани Милано и Нено Димитријевиќ ја продолжија фантастичната серија победи во Евролигата, откако вечерва пред своја публика успеаја да го победат и Асвел со и да дојдат до петтата победа во низа, осма во тековната сезона.
Димитријевиќ и вечерва имаше просечна минутажа на паркетот. Нашиот плеј одигра 20-тина минути во кои успеа да постигне 4 поени, со 5 асистенции. Одлично издание кај италијанскиот тим имаа ЛеДеј и Митротиќ кои постигнаа по 17 поени.
Во еден од највозбудливите дуели вечерва, Црвена звезда на гостински терен го совладаа Виртус со 94:87. Голема победа на Црвена звезда, прва во Болоња, стигна кога мечот изгледаше веќе загубен. Домашните водеа со 10 разлика, но гостите покажаа карактер и го свртеа мечот во своја полза.
Се беше решено на минута и пол пред крајот кога Никола Калиниќ погоди тројка од речиси девет метри за 88:85. Оттогаш Звезда постигна уште четири поени и поведе со 92:85, со што ја запечати победата.
Ти Џеј Шортс со Париз успеа да го совлада и Олимпијакос на гостински терен. Французите славеа со 96:91, а нашиот повремен репрезентативец средбата ја заврши со 21 поен.
Монако без проблеми на домашен терен со 100:80 ја победи Алба.
