Синоќа екипите на Аталанта и Милан во рамките од новото коло во Серија А, одиграа добар дуел во Бергамо. Домаќинот обезбеди триуимф од 2:1, а тренерот на Аталанта Џан Пјеро Гасперини е задоволен од тоа како неговиот тим одигра на овој меч.
“Секако дека ова е голема победа против тим кој има многу талентирани играчи, едни од најдобрите во лигата. Сепак, заслуживме да победиме. Сите статистики се во наша корист. Милан имаше одлична шанса по неколку секунди. Израмнувачкиот гол дојде по наша голема грешка. “, рече Гасперини, а како одговор на поплаките од колегата Фонсека на судењето тој рече.
“Можеби на тој начин се обидува да го одвлече вниманието од играта. Голот на Де Кетеларе дојде по висок скок. Не се сеќавам на други дискутабилни моменти во играта, освен на погрешен допир. Фокусот помалку би го ставил на Милан и повеќе за настапот на Аталанта можеби сум пристрасен, но мислам дека апсолутно заслуживме да победиме“, додаде Гасперини.
