Во едно од двете дербија на 9.коло во нашата кошаркарска елитна лига, вечерва во Битола домашниот состав на Пелистер успеа да слави против Чаир со 77:73. Со ова Пелистер дојде до шестиот триумф сезонава, и прв по четирите порази во сите натпреварувања. Ова е победа за прекинување на црната серија на битолчани.
Од друга страна ова е само втор пораз за чаирчани. Па така сега по ова коло ТФТ е сам на првото место со само еден пораз.
Домашните подобро го отворија мечот, ја добија првата четвртина со 22:13. Гостите “вратија“ со само поен плус во вториот период.
Затоа во третата четвртина уште повеќе ја намалија разликата а во последниот период сепак Пелистер знаеше како треба и успеа на крајот да победи со 77:73.
Треба да се каже дека мечот беше во прекин околу 15 минути во последната четвртина, но сепак продолжи и на крајот го имавме победникот.
Најефикасен кај Пелистер беше Бојиќ со 18 поени, додека исто толку кај гостите постигна Ролинс.
