Никола Јокиќ залудно постигна 56 поени, бидејќи Денвер загуби од Вашингтон (122:113), најлошиот тим во НБА. Без повредените Џамал Мареј, Ерон Гордон и Дарио Шариќ, српскиот центар ја презеде одговорноста, го понесе тимот колку што можеше, погодувајќи 22 шута од 38 обиди, но ниту еден од тоа не беше доволно за да се избегне дебакл во американската престолнина.
Дека има проблеми во Нагетс е очигледно, особено кога станува збор за Мареј и неговиот однос кон соиграчите и играта. Донекаде потврда за тоа е и изјавата на Србинот по мечот со Визардс, ново негово издание и нешто што не сме навикнати да го слушаме од него.
„Очекувам реакција на следните натпревари. Во мојата земја кога ќе имаш ваква серија, тогаш ќе се плаќаш нешто помалку од она што вредиш. Можеби тоа ни треба, малку мотивација на тој начин“, рече Јокиќ со насмевка и така практично им предложи на сопствениците да ја намалат платата и на него и на неговите соиграчи.
Можеби најголемата порака им ја испрати на оние кои не заслужуваат да се најдат во улога на стартер. Меѓу другото, на овој начин го „боцна“ Мареј кој доби договор од 244 милиони долари.
„Како се вика тоа? Можеби најдобра мотивација е да те испратат на клупата“, заклучи Јокиќ.
