Иако на крајот, според сите резултати од последното есенско коло, се виде дека на Работнички му недостигаше само уште еден гол за да биде есенски првак, сепак нема голема тага во таборот на клубот од Дебар Маало.
Беше совладан Пелистер со 3:0, играта беше фантастична, и ова беше четврта победа во низа. Мазари со два и Регба со еден гол ставија точка на оваа успешна есенска полусезона за составот на Горан Станиќ.
Овој меч ќе се памети по тоа што од судиската кариера се прости Александар Ставревм еден од најдобрите ако не и најдобар судија во историјата на самостојна Македонија.
Кога сме кај табелата по 18.коло во ПМФЛ еве како изгледа таа и вака ќе биде се до февруари кога стартува пролетниот дел:
Силекс 37 (+19), Шкендија (37 (+18), Работнички 37 (+18), Гостивар 35, Струга ТЛ 32, Шкупи 22, Пелистер 19, Брера 19, Тиквеш 14, Беса 13, Вардар 13, Воска 12…
