Поранешниот менаџер на неколку клуба во англиската Премиер лигата, Најџел Пирсон, откри дека „повторно учи да оди“ откако минатата година му беше дијагностицирана сериозна невролошка состојба. Пирсон откри дека имал здравствен проблем кој барал дополнителни тестови непосредно пред да го напушти Бристол Сити во октомври 2023 година.
61-годишниот стратег им се заблагодари на „сите љубезни луѓе“ за нивната поддршка во последните 13 месеци. Поранешниот тренер на Лестер и Вотфорд призна дека прогнозата за неговата состојба останува „неизвесна“, но објасни дека постигнал добар напредок.
„Да се научи да се оди повторно беше неверојатен предизвик“, рече Пирсон. „Мојата благодарност за поддршката од семејството, пријателите, колегите, поддржувачите и медицинските професионалци е голема. Имав прекрасна можност да патувам во САД со татко ми за да се сретнам со семејството за првпат во Висконсин. Неодамна, можев да возам велосипед во Peak District и да играм голф, иако мојата состојба бара помалку ангажман. Мојата прогноза е сè уште неизвесна, но верувајте ми дека позитивноста и смеата можат да се докажат како најдобриот лек. Секогаш има светлина некаде напред – нови можности, нови предизвици“, изјавил Пирсон.
Пирсон уживаше во две магични сезони на клупата на Лестер, водејќи го клубот назад во Премиер лигата за време на неговиот втор ангажман и одржувајќи ги на сигурно во сезоната пред Клаудио Раниери да го донесе клубот до титулата.
