Младиот македонски интернационалец Матеј Гаштаров денеска повторно доби шанса во младинскиот состав на белградска Црвена Звезда на мечот од младинската Лига на шампиони на УЕФА против Милан. Белградските „црвено-бели“ славеа на гостувањето во Милано со 3:1, со што ја остварија првата победа во ова натпреварување.
Гаштаров влезе од клупата во 67. минута и доби околу 25 минути шанса да ги покаже своите квалитети. Инаку младиот играч за врска беше редовен дел и од минатите натпревари на Ц. Звезда во младинската ЛШ оваа сезона, а двапати беше и стартер.
