Извршниот директор на Белгиската фудбалска федерација, Питер Вилемс по ждрепката на квалификациските групи за СП 2026, изјави дека се уште не се знае дали Доменико Тедеско ќе остане на селекторското место кај „црвените ѓаволи“ и за првите квалификациски дуели во март 2025 година.
„Не се сите селектори тука. Тедеско не е тука затоа што моментално се уште сме во период на оценување на неговата позиција по Лигата на нации. Ова го правиме заедно со Винсент Манаерт, во целосно спокојство. Засега, ги ставивме Винсент и Доменико во втор план. Ако има новости, ќе информираме. Отказ? Тоа сега не е проблем. Ние треба да процениме, но одлука не би донеле до крајот на годинава“, вели Вилемс.
Договорот на Тедеско е до Светското првенство во 2026 година.
