Македонската женска ракометна репрезентација во недела ќе го дознае противникот во бараж натпреварот за пласман на Светското првенство 2025 година. Вкуоно 22 земји се поделени во два шешири врз основа на женското ЕХФ ЕУРО 2024. Македонија заврши на 18-место и се најде во вториот шешир како носител.
Нашите ракометарки нема да имаат лесна задача во никој случај, бидејќи сите противници што се најдоа во првиот шешир се доста силни.
Шешир 1: Шведска, Црна Гора, Полска, Словенија, Романија, Швајцарија, Шпанија, Австрија, Чешка, Исланд, Фарски Острови
Шешир 2: Македонија, Хрватска, Турција, Србија, Португалија, Украина, Словачка, Израел, Италија, Косово, Литванија
Првиот натпревар ќе се одигра на 9/10 април 2025 година, а потоа и реваншот неколку дена подоцна на 12/13 април.
Репрезентациите на Норвешка, Данска и Унгарија ќе се пласираат директно на СП 2025, а истото важи и за Франција, Германија и Холандија.
Извлекувањето во Виена на 15 декември ќе може да се следи во живо на YouTube Home of Handball со почеток во 13:30 часот.
