По серија од 7 поседователни порази ракометарите на Струга денеска славеа над Куманово со 29:23 во рамките на 15. коло од Суперлигата. Во својата сала стружани успеаја да го исконтролираат мечот во вториот дел, кога кумановци дозволија да ја загубат минималната предност со која заминаа на пауза (13:14).
Гостите беа подобар тим во првото полувреме и имаа константна предност: Сепак во вториот дел Струга покажа друго лице, успеа да направи минимална предност, која во последните 10 минути се искачи и на 4-5 гола разлика, што беше и пресудно за победа. Ова беше само трета победа за Струга во тековната сезона.
