Уште едно големо остварување на Лука Дончиќ во НБА-лигата. Словенецот во поразот на Далас од Оклахома и елиминацијата од НБА Купот дојде до бројката од 12.000 поени во најсилното светско клупско натпреварување. За да го оствари ова му беа потребни 419 натпревари.
Според медиумите во САД, Дончиќ остана првиот играч кој после Мајкл Џордан успеал да дојде до ова остварување.
На Џордан му беа потребни 368 натпревари, а до бројката од 12.000 поени дојде во 1989 година на мечот против Орландо на кој постигна 52 поени, додека пак Дончиќ постигна 16 поени против Оклахома од кои 14 во последната четвртина.
Словенецот успеа да го победи Леброн во оваа категорија. На Џејмс му беа потребни 438 меча, а до истата бројка дојде на дуелот против Торонто на кој запиша 33 поени.
Добро е познато дека Дончиќ веќе има испишано историја во НБА-лига, како еден од осумте играчи кои се нашле во првиот тим во НБА-лигата во првите шест сезони.
