Фудбалерите на Комo на домашен терен ја совладаа екипата на Рома со резултат 2:0 во натпреварот од 16. коло на италијанската Серија А. Враќањето на Клаудио Раниери на клупата на „волчицата“ се чини засега не донесе ништо подобро, а овој пораз од новајлијата во Серија А само дополнително ќе го радрма и онака разнишаниот состав на Рома.
На гол се чекаше цели 90 минути. Иако Рома имаше неколку добри шанси, не успеа да дојде до гол за водство. Во самата завршница во третата минута од судиското надополнување, Габриелони одлично се снајде по додавањето на Кутроне и постигна гол со првиот допир за големо славје за тимот на Сеск Фабрегас.
Кога веќе течеше и седмата минута од продолжението, Нико Паз постигна гол по додавањето на Габриелони и на крајот им нанесе уште потежок пораз на гостите.
