Македонската женска ракометна репрезентација денеска ќе го добие противникот во бараж натпреварот за пласман на Светското првенство 2025 година кое ќе се одржи во Германија и Холнадија.
Нашите ракометарки се најдоа во вториот шешир, а распределбата на земјите од Европа доаѓа според пласманот на континенталното натпреварување кое денеска и официјално ќе заврши.
Можни противници на „црвено-жолтите“ се Шведска, Црна Гора, Полска, Словенија, Романија, Швајцарија, Шпанија, Австрија, Чешка, Исланд и Фарски Острови, земји кои се најдоа во првиот шешир.
Првиот натпревар ќе се одигра на 9/10 април 2025 година, а потоа и реваншот неколку дена подоцна на 12/13 април.
Репрезентациите на Норвешка, Данска и Унгарија ќе се пласираат директно на СП 2025, а истото важи и за Франција, Германија и Холандија.
Извлекувањето во Виена ќе може да се следи во живо на YouTube Home of Handball со почеток во 13:30 часот.
Шешир 1: Шведска, Црна Гора, Полска, Словенија, Романија, Швајцарија, Шпанија, Австрија, Чешка, Исланд, Фарски Острови.
Шешир 2: Македонија, Хрватска, Турција, Србија, Португалија, Украина, Словачка, Израел, Италија, Косово, Литванија.
Македонија има пет учества на Светските првенства, последен пат се пласираше во 2007 година заврши како 12-та.
