Норвешка дојде до десетиот златен медал на Европските првенства, и повторно тоа го стори на смета на Данска, противник кого го совлада и пред две години во Љубљана. Норвешките ракометарки овој дуел го решија во првите 12 минути од второто полувреме кога максимално ја казнија кризата во редовите на Данска, која пак го освои четвртиот сребрен медал на ЕП. На крајот финалето во финале заврши со 23-31 во корист на стато-новиот европски првак.
Реистад имаше осум гола кај победникот, два помалку запиша Ховден. На другата страна Хојлунд и Хансен имаа по пет погодоци.
Во првото полувреме, Данска беше многу подобра, барем на почетокот, отвори со 3-1, водеше со 4-2 и 5-3. Но, на другата страна бранителот на титулата не дозволи мечот да оди во непосакуван правец, на одморот водеше со 12-13.
Another huge save from Solberg puts Norway up by 7! 🇳🇴 #ehfeuro2024 #CatchTheSpirit @NORHandball pic.twitter.com/8uqVSNgDmN
— EHF EURO (@EHFEURO) December 15, 2024
Криза во редовите на Данска, во 12- минути постигна само два гола и направи голем број грешки, што пак Норвешка го казни на најдобар можен начин поведе со плус седум (14-21) и се чини направи голем исчекор кон новиот златен медал.
Данска се разбуди, но Норвешка држеше ритам, не им дозволуваше на противничките ракометарки да влезат во серија со која ќе ја загрозат нивната предност. На средината на првото полувреме беше 16-23.
Norway is dominating the match!
Herrem scores again to extend the lead, now at 15-22! 🇳🇴 #ehfeuro2024 #CatchTheSpirit @norhandball pic.twitter.com/gpyQ3nfcrT
— EHF EURO (@EHFEURO) December 15, 2024
На стартот на 50-та минута, бранителот на титулата поведе со 19-27 и само потврди зошто во моментов е најсилниот тим. До крајот не се промени ништо, Норвешка сосема заслужено дојде до нова европска круна.
