Според информациите од Островот, тимот на Вулверхемптон во следните ден, два, ќе ги промовира португалецот Витор Переира, за свој нов менаџер. Тој во моментов е дел од тимот на Ал Шабаб, а по договореното обештетување од страна на управата, тој утре или пак најдоцна во среда ќе пристигне во Англија за да го преземе клубот навреме пред викенд дуелот со Лестер.
Переира ќе го замени Гери О’Нил, кој доби отказ по поразот од Ипсвич, кој беше четврти по ред за тимот во Премиер лигата. Тој ќе биде третиот Португалец кој ќе го преземе Вулверхемптон, откако Бруно Лаје и Нуно Еспирито Санто работеа во клубот во последните години.
За Переира кој во моментов има 56. години ова ќе биде прво искуство во Премиер лигата, но има богато искуство и шампионски титули во три различни земји.
