Лука Дончиќ го одигра најдобриот натпревар сезонава и по деветти пат во кариерата оствари трипл-дабл со најмалку 40 поени, а Далас Маверикс го победи Голден Стејт со 143:133 во натпреварот со најмногу тројки во историја на НБА.
Дончиќ постигна 45 поени, најмногу сезонава, со одличен шут од поле 16/23, 6/11 за тројки и 7/9 од слободни фрлања. Покрај тоа, забележа 11 скока, 13 асистенции, две блокади и три украдени топки и по три загубени топки. Тоа е негов трет трипл-дабл во сезоната, а сите ги постигна во декември, на последните четири натпревари.
Тој по деветти пат во кариерата постигна најмалку 40 поени со трипл-дабл, а тоа почесто од него го правеа само Оскар Робертсон (22 пати), Џејмс Харден (16) и Расел Вестбрук (13), но Словенецот има само 25 години и има многу време да излезе на врвот во таа категорија.
Клеј Томпсон додаде 29 поени со седум тројки, а Кајри Ирвинг постигна 21 за Мавс. Вориорси ги предводеа Ендрју Вигинс со 29 поени, Стев Кари имаше 26 и 10 асистенции, Дрејмонд Грин кој стартуваше на клупата со 21 поен. Денис Шредер, дебитант од Бруклин Нетс, допрва треба да се приклучи на тимот.
И овој натпревар ќе влезе во историјата по бројот на постигнати тројки. Вориорс погодија дури 27 (од 54 обиди), два помалку од рекордот, а Мавс 21 (од 41 шут), но комбинираните 48 се дури четири повеќе од стариот НБА рекорд, поставен во февруари 2023 година од играчите на ЛА Клиперс и Сакраменто, а во петокот ги изедначија Јута и Феникс.
За Вориорс ова е деветти порази во последните 13 натпревари, но со скор од 14-11 и понатаму го држат петтото место на Западот. Во Топ 4 се наоѓа Мавс со 17-9.
Резултати:
Индијана – Њу Орлеанс 119:104
Орландо – Њујорк 91:100
Вашингтон – Бостон 98:112
Сан Антонио – Минесота 92:106
Феникс – Портланд 116:109
Голден Стејт – Далас 133:143
ЛА Лејкерс – Мемфис 116:110
