Главниот судија на изминатиот натпревар на Реал Мадрид против Рајо Ваљекано (3:3) се уште не беше целосно убеден во својата одлука да не досуди пенал во корист на шампионите за евентуален фаул над Винисиус Жуниор. Станува збор за моментот кога пред крајот Бразилецот падна во шеснаесетникот и останаа сомнежите дека е сопнат од домашен играч.
Во моментов судијата Мартинез Мунуера не ја посочи белата точка. Неговите колеги од ВАР, исто така, ја разгледаа ситуацијата и прифатија дека нема очигледна грешка на судијата на теренот.
Сепак, камерите на натпреварот снимија момент веднаш потоа, во кој Мартинез Мунуера му се врти на Вини велејќи: „Слушај ме, слушај ме… Можеби грешам. Добро, ако згрешив… не ми се нафрлај така“.
Но, откако и ВАР ја потврди одлуката на главниот судија, нема начин да се исправи каква било неточна проценка од негова страна.
Инаку, Реал го изрази своето незадоволство од арбитражата, објавувајќи официјално соопштение на кое пишуваше „Контрадикторното судење ја ускрати победата на Мадрид“.
The referee admits to Vinicius that he might have been wrong not to award him the penalty kick against Rayo!
pic.twitter.com/cZVB0mwjiP https://t.co/tkqZGFYSlF
— Real Madrid Info ³⁶ (@RMadridInfo) December 16, 2024
