Поради слаби резултати сезонава, тимот на Ред Бул Салзбург одлучи да го смени досегашниот тренер, Пеп Лијндерс, кој инаку е поранешен помошник на Јирген Клоп.
Управата на клубот се одлучи за овој потег затоа што клубот во моментов е петти на табелата во Австриската Бундес лига, а и во Лигата на Шампионите работите не стојат баш како што треба. Ред Бул Салзбург во моментов е 32. на табелата со само три бода од шест мечеви.
Ова за Лијндерс беше втор обид како самостоен тренер на европска сцена откако беше на чело и на тимот на НЕЦ Најмиген во Холандија. Како асистент на Јурген Клоп во Ливерпул беше во два мандати.
