Како што попладнево и официјално е потврдено од страна на Манчестер Сити, фан на овој клуб вчера за време на мечот со Манчестер Јунајтед починал на “Етихад“.
Познато е дека Сити во градската пресметка имаше водство од 1:0 до последните мигови од средбата кога “гостите“ со два гола во самиот финиш дојдоа до победа од 1:2 и три бода.
“Манчестер Сити со жалење информира за трагичната вест дека еден наш навивач починал на стадионот за време на вчерашниот натпревар по медицинскиот инцидент. Мислите на сите во клубот се со семејството и неговите најблиски за време на овие тешки моменти“ се огласија од Сити.
