Наградниот фонд за Европското првенство во фудбал за жени во Швајцарија во 2025 година ќе изнесува 41 милион евра, што е повеќе од двојно во однос на претходниот шампионат, соопшти денеска Европската фудбалска унија (УЕФА).
Победничкиот тим ќе добие 5,1 милиони евра, наспроти 2,085 милиони евра што ги доби Англија како победник на Европското првенство во 2022 година. Секоја од 16-те селекции учесници ќе добие по најмалку 1,8 милиони евра.
Во согласност со општиот развој на европскиот фудбал, финансирањето на континенталниот шампионат е зголемено пет пати во однос на Европското првенство во 2017 година.
Шампионот на Европа за титулата ќе добие 1,75 милиони евра, а за учество од 1,8 до 5,1 милиони доколку ги оствари сите три победи во групата.
Како и во 2022 година, клубовите кои ќе испратат свои играчи на турнирот ќе бидат обештетени, во вкупна сума од шест милиони евра или 675 евра дневно по играч.
УЕФА во октомври објави дека има намера да инвестира една милијарда евра во женскиот фудбал до 2030 година.
