Телото на познатиот кошаркар и летонски репрезентативец Јанис Тима е пронајдено утрово во Москва, објавија летонските медиуми. Поранешниот кошаркар на Олимпијакос бил пронајден мртов во хотел во Москва, а до него била пронајдена и проштално писмо.
Според полицијата Тима се самоубил и нема докази за кривично дело. До неговото тело имало телефон на кој пишувало „побарајте ја Ана“.
Летонецот наводно не можел да го преболи разводот од сопругата и тоа било причина за неговото самоубиство.
Во својата кариера меѓу другите настапуваше за Басконија, Олимпијакос, Химки, УНИКС, Зенит…
За репрезентацијата на Летонија дебитираше во 2013 година, а летово за својата земја настапуваше на квалификацискиот турнир за Олимписките игри во Париз.
RIP Janis Timma 🙏 pic.twitter.com/ZV0fWPsnq8
— Legion Hoops (@LegionHoops) December 17, 2024
