Екипата на Јувентус, синоќа во Купот на италија извојува одлична победа од 4:0 против Каљари. Овој успех доаѓа во вистинско време по четирите реми средби во Серија А, па тренерот Тиаго Мота секако дека е задоволен од развојот на настаните.
„Ова беше добар настап, навивачите како и секогаш беа веднаш зад нас. Како што кажав пред некој ден, понекогаш имаат слобода да ги изразат своите чувства и тоа го разбираме но во исто време мораме да разбереме дека ни требаат. Овие момци поминуваат низ тешка ситуација на вистински начин, давајќи се од себе на секој тренинг. Понекогаш успеваме да постигнеме позитивни резултати, а понекогаш не. Не е затоа што ние сме Јувентус , туку затоа што имаме играчи со голем квалитет, како што видовме денес, па мораме да целиме високо. Оние кои се враќаат од повреди како Даглас Луис и Ноколас Гонзалес би можеле да му помогнат на тимот да оди напред. Копминерс одигра добро. Го заменив бидејќи играше со симптоми на грип, но тој ја докажа својата професионалност помагајќи му на тимот во овие околности. Сакам како се игра насекаде. Тој е фудбалер со технички квалитети, физички сериозно подготвен и со силен менталитет. Помага и реагира на вистински начин во тешки моменти без да се жали или да бара изговори. Тимот работи кога тој е на теренот, но кога работи тимот, Копминерс може да го покаже и својот квалитет како индивидуален играч, па неговата позиција и не е важна. Не е важно дали игра како „четворка“, „шестка“ или „осумка“, важно е дека е во добра форма. Тој е врвен играч и на теренот и надвор од него“ рече Мота по дуелот со Каљари.
