МЗТ Скопје со победа се збогува со АБА2-лига. Групната фаза ја заврши на третото место, недоволно за плсман во следната рунда која носи чекор напред кон враќањето во јадранската елита.
Актуелниот македонски првак на домашен терен ја совлада Цедевита Јуниор со 87-82. Ова беше трет триумф оваа сезона, а има уште три порази.
“Одигравме максимално борбено и имавме голема желба сезоната во АБА2 да ја завршиме со победа. Среќни сме што успеавме во тоа, како доказ дека дефинитивно можеме повеќе во оваа конкуренција . Сите кошаркари го дадоа својот максимум и навистина е штета што нема да ги продолжиме натпреварите во оваа конкуренција“, изјави тренерот на МЗТ Скопје, Васко Атанасов.
