Тренерот на Интер, Симоне Инзаги зборуваше по победата на неговиот тим над Удинезе со 2-0 во осминафиналето на Купот на Италија. Специјалистот истакна дека заслужна за победата има долгата клупа на тимот, која ја одигра својата клучна улога во овој важен момент.
„Кога велам дека имаме 25 стартери, тоа е тоа. Морам да правам избор секој ден – за доброто на Интер. Денешната победа е добар знак“, рече Инзаги.
Тренерот на „нероаѕурите“ додаде дека му се допаѓа како изгледаат неговите играчи и рече дека сака да види повеќе од истото.
„Тоа беше сериозен натпревар во кој имавме многу да загубиме, а момците тоа го сфатија и се дадоа од првата до последната минута. Драго ми е што тимот заврши одлична работа и мораме да продолжиме во истиот ритам“, додаде Инзаги.
