Кошаркарите на Лос Анџелес Лејкерс го победија Сакраменто Кингс со 113:100.
Леброн Џејмс го заврши натпреварот со 19 поени, седум асистенции и шест скока. Ова не беше било каков меч, тој стана рекордер во лигата по бројот на одиграни минути во регуларниот дел од сезоната.
На теренот мина 34 минути, вкупно 57.471 минута во кариерата и го престигна Карим Абдул-Џабар, кој беше рекордер со 57.446 минути.
Во тимот на Сакраменто најефикасен беше Дирон Фокс со 26 поени, Домантас Сабонис постигна 18 поени, 12 скока и девет асистенции, а Малик Монк постигна 17 поени.
