Уф,каков спектакл во Минхен? Во дербито на 15.коло во Бундес-лигата, вечерва на „Алијанц Арената“ во Минхен, Баерн со 5:1 го декласираше Лајпциг.
Супер интересно беше уште во првите секунди од средбата. Прво уште во 1.минута Мусиала му донесе водство на домашниот тим, за да во втората минута, само неколку секунди подоцна, Шешко израмни на 1:1. Тоа беше шок за фановите на “баварците“ на трибините кои и вечерва беа преполни на „Алијанц Арената“.
Лајмер во 25.минута донесе водство од 2:1, десет минути Кимих зголеми на 3:1. И со тој резултат се замина на пауза.
Во второто полувреме домашните како да додоа “гас“ што се вели, се редеа акциите пред голот на “биковите“, за Сане и Дејвис стрелаат за конечни 5:1.
Ова беше една од најдобрата партија на тимот на Винсент Компани оваа есен. Да кажеме и тоа дека во составот се врати Хари Кејн кој беше и стартер, додека кај гостите и овојпат во записникот го немаше нашиот Елиф Елмас поради повреда.
