Денвер загуби од Портланд во неизвесна завршница 126:124. Херој на средбата беше Симонс, кој натпреварот го заврши со 28 поени, а двата најважни ги постигна со звукот на сирената. Симонс помина покрај чуварот Расел Вестбрук, Никола Јокиќ не го затвори навреме влезот во кошот и Портланд победи со кош во последната секунда.
ANFERNEE SIMONS GAME WINNER. 🔥
— Hoop Central (@TheHoopCentral) December 20, 2024
Српскиот центар и актуелен МВП одигра одличен натпревар за Денвер. Тој постигна 34 поени, уфрли осум асистенции и забележа шест скока. Но, доби критики за (не)играњето одбрана во последниот напад.
Јокиќ игра фантастична сезона и е предводник на Нагетс кои не се на исто ниво како минатата сезона. Тие се на шестото место во Западната конференција со скор 14-11. Јокиќ постигнува просечни 31 поен, 13 скока и 10 асистенции по натпревар. Ова го прави најефективниот играч во лигата оваа сезона.
Стеф Кари го одигра најлошиот натпревар во својата блескава кариера, а неговите Голден Стејт Вориорс беа поразени во Мемфис од Гризлис со 93:144. Поразот од 51 поен е најголем во НБА сезонава, како и негативата од 57 поени што Вориорс ја имаа во последната четвртина.
За 24 минути во игра Кари не реализираше поен од поле и го заврши натпреварот со само два коша од линијата за слободни фрлања. Кари имаше 0/7 од поле, вклучувајќи 0/6 од зад линијата за три поени. За лошата ноќ на Вориорс придонесоа Грин, кој шутираше 0/4.
