Фудбалерите на Њукасл остварија убедлива победа против екипата на Ипсвич со 0:4. Момците предводени од Еди Хау ја запишаа и втората победа во низа откако во предходното коло со истиот резултат го совладаа Лестер Сити.
Александер Исак постигна гол по само 26 секунди и ја најави убедливата победа на гостите. Џејкоб Марфи во 32-та минута го зголеми водството, а до крајот на полувремето Исак постигна уште еден погодок. Во вториот дел Исак го комплетираше својот хет-трик во 53-тата минута на одлична асистенција со пета на Џејкоб Марфи.
Во останатите два натпревари од попладневната програма Нотингем Форест ја совлада екипата на Бретфорд со 0:2, додека пак Вест Хем и Брајтон ремизираа со 1:1.
