Филаделфија конечно почна да победува. 76-ките го совладаа Шарлот со 108:98 (41:23, 17:23, 27:25, 23:27). Доминираше брилијантниот Џоел Ембид, кој постигна 34 поени со пет скока и девет асистенции и со тоа беше прво име на натпреварот. Добро го следеше Макси со 23 поени, четири скока и шест асистенции.
На другата страна се истакна Василије Мициќ со 20 поени и четири асистенции.
Кливленд Кавалирс славеше победа од 124:101 против Милвоки Бакс на домашен терен. На Бакс не им помогна ниту Јанис Адетокумбо кој беше феноменално расположен. Гркот го заврши мечот со 33 поени и 14 скока.
На другата страна Кливленд имаше дури шест кошаркари со двоцифрен поентерски учинок. Мичел постигна 27 поени, а го следеа Гарланд со 16, Мобли и Вејд по 15, Џером со 13 и Џерет Ален со дабл-дабл учинок од 10 поени и 10 скока.
Со оваа победа Кавалирс се зацврстија на првото место на Истокот.
Оклахома Сити успешно ја заврши работата во Мајами совладувајќи го тимот на Хит со 97:104. Тандерс со оваа победа останаа први на Западот и со тоа потврдија дека се подготвени за големи работи оваа сезона.
Џејлен Вилијамс постигна 33 поени со шест скока и четири асистенции. Од редовите на тимот на Хит вреди да се издвои Тајлер Херо со 28 поени, 12 скока и пет асистенции.
