Швајцарскиот скијач Марко Одермат славеше на вториот спуст сезонава, кој денеска се возеше во Вал Гардена во рамките на Светскиот куп. Тој со време од две минути, три секунди и десет стотинки стигна до својата трета победа сезонава, 40-та во кариерата.
Оваа сезона, Одермат победи на Супер-Џи во Бивер Крик и на велеслаломот во Вал д’Изер. Со 45 стотинки послабо време од победникот, Швајцарецот Фрањо Фон Алмен заврши на второто место, додека трет беше Американецот Рајан Кокран-Зигл, со заостанување од 46 стотинки.
Французинот Нилс Алегри заврши на четвртото место, додека Словенецот Мартин Чатер беше петти.
Одермат е лидер во поредокот за спуст со 180 бодови, а го зазема и водечкото место во генералниот поредок со 440 бодови.
