Пеп Гвардиола изјави дека не гледа како Манчестер Сити ќе ја освои Премиер лигата оваа сезона. На прашањето: Дали Манчестер Сити има шанси да ја освои титулата во Премиер лигата?, Гвардиола на новинарите им изјавил:
„Не. Немаме играчи. Сега го немам тоа чувство. Можеби ќе се случи, кој знае? Но, имам чувство дека сега треба да размислуваме на краток рок. Не можеме да си поставиме многу големи и амбициозни цели. Кога сакате да постигнете нешто важно, на пример, да ја освоите Премиер лигата, да стигнете до последната фаза од Лигата на шампионите, тогаш треба да бидете стабилни. Сето ова време бевме неверојатно стабилни, но сега не сме“, изјави тренерот на Манчестер Сити.
