Феран Торес во последно време игра во добра форма во дресот на Барселона. Иако не стартуваше најдобро, имаше и повреда а и тренерот Ханси Флик не му даваше шанса, сепак репрезентативецот на Шпанија во последно време игра добро.
Инаку тој деновиве јавно призна дека цело време го криел вистинскиот датум на раѓање.
Интересно е тоа што тој е роден на 29 февруари 2000 година, значи во престапна година.
“Да се има роденден на 29 февруари е нешто посебно, но и незгодно. Не можеш како другите секоја година да славиш роденден. Токму затоа, посебно кога бев дете, постојано лажев дека сум роден ден порано, на 28 февруари, некако ми беше срам. Тогаш го славев роденденот. Ретко кој знаеше дека мене тогаш, на 28 февруари, и не ми е роденден. Сепак сега немам проблем, дури и сум горд да тоа кој се е роден на 29 февруари а и се шегувам дека официјално имам само шест години“ истакна офанзивецот на Барса.
