Во неизвесна завршница, ЛА Лејкерс го совладаа Сакраменто Кингс со 103:99. Леброн Џејмс одигра уште еден голем натпревар со 32 поени, 7 скока и шест асистенции, додека Де’Арон Фокс запиша 31 поен, 5 скока и седум асистенции за „кралевите“.
Орландо оствари неверојатен пресврт против Мајами Хит и на крајот победи со 121:114. „Меџикс“ се опоравија од негатива од 25 поени и со тоа го израмнија рекордот на франшизата, а во последната четвртина победија со резултат 37:8.
И покрај отсуството на Јанис Адетокумбо и Демијан Лилард, Милвоки Бакс ги победија Вашингтон Визардс со 112:101, додека Голден Стејт Вориорс предводени од Стив Кари ја совладаа Минесота Тимбервулфс со 113:103. Кари го заврши натпреварот со 31 поен и 10 асистенции.
Мемфис Гризлис ги победија Атланта Хокс (128:112), Јута Џез ги совладаа Бруклин Нетс (105:94), а Бостон Селтикс победија против Чикаго Булс (123:98), како и Кливленд Кавалирс против Филаделфија 76ers (126: 99). ЛА Клиперс беа поразени од Далас Маверикс со резултат 97:113. Мавси славеа убедливо и покрај отсуството на Лука Дончиќ, а Грајмс беше најефикасен во победничките редови со 20 поени.
Њујорк Никс успеа да дојде до победа над Њу Орлеанс Пеликанс (104:93) благодарение на расположениот Брансон (39 поени), Виктор Вембањама ги предводеше Сан Антонио Спарс со 30 поени против Портланд Трејл Блејзерс (114:94), а во последниот натпревар од вечерта Детроит Пистонс го победи Феникс Санс со 133:125.
