Страшен, ужасен меч на тимот на Манчестер Јунајтед. Тимот од Олд Трафорд на домашен терен предмалку доживеа тешка катастрофа во рамките од новото коло во Премиер лигата, откако со 0:3 загуби од тимот на Борнмут.
Колку што домаќинот одигра лошо, толку противникот искористи се што му беше дадено како шанса. Хуијсен уште во 29. минута од мечот ги доведе гостите во водство од 0:1, и со тој резултат се замина на одмор.
Откако во вториот дел домаќинот направи три измени се мислеше дека Јунајтед ќе тргне на подобро, но се случи сосема спротивното. Џастин Клајверт во 61. минута погодува за 0:2, а Семењо две минути подоцна зголеми за шокирачки 0:3.
Домаќинот вкочанет од вакиов развој на настаните се обиде да ја намали штетата до крајот на мечот, но до тоа сепак, не дојде.
За прв пат во историјата на Премиер лигата, тимот на Манчестер Јунајтед ќе го дочека Божиќ во долниот дел на табелата.
Лестер исто така на домашен терен загуби од тимот на Вулверхемптон со 0:3, а Фулам и Саутемптон одиграа 0:0.
