Не престануваат честитките на адреса на новиот претседател на Фудбалската Федерација на Македонија, господинот Масар Омерагиќ. Тој на вчерашното вонредно собрание на ФФМ беше изран за нов претседател со акламација, а веќе денеска го имаше и првиот работен ден во просториите на Федерацијата.
Нема време за чекање, него и неговиот тим го чека многу работа.
Токму во оваа насока, е и честитката од страна на првиот човек на УЕФА, претседателот Александар Чеферин кој со официјално писмо го поздрави изборот на Омерагиќ и му честита на функцијата.
„Масар, бидејќи одблизу го знаете притисокот од играњето и менаџирањето со фудбалот на највисоко ниво, верувам дека со сето срце ќе го прифатите потенцијалот на фудбалот во Македонија и ќе продолжите да ги бележите точките за напредок, кои вашата федерација и вашата држава го заслужуваат“. – стои во писмото од првиот човек на УЕФА.
Претставници од УЕФА во името на Денис Бастари како и на ФИФА во името на Марија Гавар беа присутни на вчерашното вонредно собрание на ФФМ, по службена должност што се вели, но честитката од првиот човек на Европскиот фудбал секако дека е нешто посебно.
