Утринава се одиграа повеќе натпревари во НБА, на кои имаше и тоа како што да се види. Имено Никола Јокиќ овојпат го заврши мечот без трипл-дабл, но сепак беше на ниво и успеа да му донесе победа на својот Денвер против Феникс.
Денвер славеше со 117-90, а најдобриот кошаркар во светот забележа 32 поени, два скока и седум асистенции и тоа за 29 минути минати во игра. Нагетси блескаа во третата четвртина која ја добија со 45-28.
По два меча пауза поради повреда, Лука Дончиќ се врати во тимот на Далас и одигра одлично. Кога игра така Словенецот, а го следат неговите соиграчи тогаш и Далас победува како утринава на средбата со Портланд за победа од 132-108. Лука мечот го заврши со 27 поени и по седум скокови и асистенции.
Сепак се ова беше во сенка на скандалозниот потег на Џоел Ембид, кој едноставно ја фрапира кошаркарската јавност и пред се фановите во НБА.
Америкамецот кој е роден во Камерун, инаку член на Филаделфија на мечот против Сан Антонио и тоа како се “покажа“.
Тој жестоко тргна да се расправа со судијката Џенифер Шредер, која му покажа техниичка грешка по бројните негови реакции и негодувања. Малку недостигаше Ембид да ја удри, за среќа тука беа неговите соиграчи кои спречија нешто уште повеќе недолично од негов страна.
Се чини нема меч кој Ембид не го одбележува со скандал.
Joel Embiid has been ejected for the second time in his career. pic.twitter.com/4ziLzv7S3V
— NBA on ESPN (@ESPNNBA) December 24, 2024
Овој натпревар Филаделфија го доби со 111-106.
На останатите средби беа забележани следните резултати:
Шарлот – Хјустон 101-114, Кливленд – Јута 124-113, Орландо – Бостон 108-104, Атланта – Минесота 117-104, Мајами – Бруклин 110-95, Њујорк – Торонто 139-125, Чикаго – Милвоки 91-112, Мемфис – ЛА Клиперс 110-114, Оклахома – Вашингтон 123-105, Голден Стејт – Индијана 105-111, ЛА Лејкерс – Детроит 114-117.
