Поранешниот фудбалер на Челзи, Бразилецот Оскар го напушти кинескиот шампионат и кариерата ќе ја продолжи во својата татковина. Сао Паоло утрово го објави договор со 33-годишниот играч од средниот ред. Договорот важи до крајот на 2027 година.
Оскар е дете на Сао Паоло и се враќа во тимот кој го напушти во 2010 година. Оскар подоцна играше за Челзи и Шангај Порт. За репрезентацијата на Бразил одигра 48 натпревари.
Во последното кинеско првенство, играчот од средниот ред постигна 14 гола и направи 20 асистенции (најмногу во лигата) на 29 натпревари.
