И повеќе од јасно е дека Новак Ѓоковиќ во 2025 година ќе има и тоа како мотиви уште еднаш да покаже и докаже дека е најдобриот тенисер во историјата. Има мотив повеќе и поради соработката со новиот тренер Енди Мареј.
Новак е најолем во историјата, тоа е јасно, но пред него во оваа 2025 година што доаѓа има неколку рекорди што може да ги урне, а тие се:
-Србинот е на чекор до 100 освоени титули во кариерата, тој засега има 99 и му недостига само еден за да ја заокружи таа бројка од 100 трофеи.
-Засега има 24 гренслем трофеи и со тоа е апсолутен рекордер во машка конкуренција. Севкупно и Маргарет Корт има исто така 24, па така секој нареден освоен турнир од четирите најголеми, Австралија Опен, УСА Опен, Ролан Гарос и Вимблдон, ќе го направи апсолутен рекордер со 25 пехари.
-Може да дојде и до троен Златен мастер. Имено сите турнири од оваа серија ги има освоено макар по трипати, му недостига само Монте Карло на кој триумфирал двапати. Јасно е дека оваа сезона планира да настапи и на овој турнир како подготовка за Ролан Гарос.
-Во случај да го освои споменатиот Ролан Гарос, тој ќе биде четврти за него, и со тоа ќе стане апсолутен рекордер, односно ќе биде првиот кој триумфирал на сите гренслемови најмалку по четири пати.
-Досега само од играњето на турнирите Новак во својата кариера има заработено 185 милиони долари. До крајот на 2025 лесно би можел да ја достигне сумата од 200 милиони.
