За Ла Лига, во една од најсилните фудбалски лиги во светот, заврши 2024 година. Познато е дека за минатата сезона Реал Мадрид е првак, а во оваа 2024/25 есенски првак е Атлетико Мадрид. Се разбира дека допрва се разгорува битката за тоа кој ќе биде шампион за оваа тековна 2024/25 сезона а во “игра“ се Атлетико Мадрид, Реал Мадрид и Барселона.
Кога се сумираат некои работи од оваа 2024 година, интересен податок. Имено Александер Серлот, сегашниот напаѓач на “јорганџиите“ а во пролетниот дел играше за Виљареал, е најдобриот стрелец во Ла Лига за оваа 2024 година и тоа со вкупно 31 голови. Треба да се каже дека на оваа ранг – листа не се вметнати головите постигнати од пенал.
Значи Норвежанецот во Ла Лига во оваа 2024 година е прв со 31 голови. Следува Роберт Левандовски со 29 голови, потоа Џуд Белингем со 23 голови.
Да повториме, се сметаат само головите постигнати од игра а не од белата точка.
