Манчестер Сити е најлошиот тим во англиската Премиер лига во последните два месеци од 2024 година. Избраниците на шпанскиот тренер Хосеп Гвардиола освоија само 5 бода од можни 27.
На девет средби од англиското првенство во овој период, „граѓаните“ ремизираа двапати, еднаш победија и шестпати беа поразени.
Севкупно, од 1 ноември годинава, актуелниот шампион на Англија одигра 13 натпревари во сите конкуренции, при што победи на само еден меч.
Денеска Манчестер Сити се сретна со Евертон во натпреварот од 18. коло на англиската Премиер лига и одигра само 1:1.
