Македонскиот интернационален одбојкарски судија, Орданче Амбарков, ќе биде втор судија на првиот меч од четврфиналето на Челинџ Купот на ЦЕВ во кој екипата на ПАОК, која е предводена од нашиот најтрофеен стратег Јошко Миленкоски, а во чии редови настапува и репрезентативецот Александар Љафтов, го пречекува турскиот гигант Анкара. Тоа ќе биде прв меч од двобојот во четврфиналето во ова европско натпреварување и е закажан на 16 јануариво Солун.
За едно со Амбарков, ЦЕВ како прв судија на мечот го делегираше Италијанецот Армандола.
Реванш средбата е закажана за 29 јануари во Турција. ПАОК ќе се обиде да направи сензација со елиминација на големиот фаворит и пласман во полуфиналето на ова европско клупско натпреварување.
